Одржлив стил: Младите против текстилниот отпад во Северна Македонија

Весна учествуваше во нашата обука за создавање бизниси во рамките на циркуларната економија и сега го споделува своето новостекнато знаење и со своите ученици. Со голема страст и енергија таа ги учи за одржлива мода.

Училницата каде што се сретнавме со Весна наликува на креативна работилница. Секоја маса е опремена со машина за шиење, на масата во средина на просторијата има разни ткаенини и слики со фустани на ѕидовите. Тука Весна предава повеќе од 17 години.

Локални училишта и организации со свои иницијативи

Весна целиот живот се интересирала за создавање облека.

Додека Северна Македонија работи на справување со управувањето со отпадот, ги поддржуваме локалните училишта и организации во нивните иницијативи за циркуларна економија.

Весна присуствуваше на обуката за наставници од средните училишта што ние ја организиравме. Таа се здоби со вредни информации за циркуларната економија и чекорите во развојот на бизнис-план и желна е ова знаење да го сподели со своите ученици.

Текстилниот отпад наоѓа нов живот

Весна се обидува да ги направи своите лекции практични, интересни и интерактивни, вклучувајќи ги учениците во пребарување на различни материјали што може повторно да ги користат и да ги редизајнираат. 

Учениците се охрабруваат да ја користат својата креативност и да произведуваат различни додатоци, облека и текстилни производи. Исто така, тие можат да ги продаваат своите ракотворби на локалниот пазар, а Весна гордо споделува дека тие ја добиле наградата за најдобар штанд на пазарот.

Весна споделува како учениците ги перципираат темите за циркуларна економија и одржливост:

Подучување на идни модни дизајнери за одржлива мода

На часовите што ги одржува Весна се вклучени и момчиња и девојчиња. Некои од учениците имаат јасни визии за тоа како да станат успешни дизајнери, други едноставно се заинтересирани за темата.

Со предавањето за циркуларна економија и одржливост на облеката и повторна употреба на текстилниот отпад, Весна ја подигнува свеста и го намалува отпадот во својата земја. И кој е нејзиниот совет до сите во врска со одржливоста во модата?

Проектот „Граѓанското општество и младите за инклузивен и одржлив развој преку циркуларна економија во Северна Македонија“ е финансиран од Европската Унија. Проектот го води People in Need (PIN) во конзорциум со АРНО, ЛЕАД и Ековита.Оваа публикација е финансирана од Европската Унија. Нејзината содржина е исклучиво одговорност на People in Need и не мора да ги одразува ставовите на Европската Унија.