Krusheva: Rrugëtimi i një qyteti maqedonas drejt ajrit të pastër dhe ekonomisë qarkulluese

I frekuentuar nga turistë nga e gjithë bota, njerëzit i tërheq Krusheva me malet dhe natyrën e saj të bukur, si dhe mundësitë sportive, si paraglajding dhe ski. Me rritjen e popullaritetit të Krushevës, u rrit edhe nevoja për të lidhur të gjitha grupet joformale që punojnë në zhvillimin e turizmit, dhe pikërisht në këtë hapësirë lindi “Ndiej Krushevën - Feel Krusevo”.

Kush e njeh qytetin ma mirë se kryetari i komunës? 

Lefkija dhe Meri janë zemra e “Ndiej Krushevën - Feel Krusevo”. Të dyja kanë lindur në qytet dhe Lefkija është ish-kryetare e komunës së Krushevës. 

Komuniteti vllah ka ndikuar dukshëm mbi historinë dhe arkitekturën e Krushevës. Ata janë vendosur në qytet gjatë shekullit të 18-të. “Ndiej Krushevën - Feel Krusevo” realizoi një ekspozitë për vllahët dhe kulturën e tyre, dhe gjithashtu organizon darka tematike ku shërbejnë ushqime tradicionale, si placinta (një ëmbëlsirë tradicionale agjërimi nga Krusheva, e bërë me vaj, miell dhe ujë), pitulici (krepa shtresë-shtresë), pite me kungull dhe makalo (spec i tharë me presh).

Duke punuar ngushtë me ofruesit lokalë të shërbimeve turistike, “Ndiej Krushevën - Feel Krusevo” vuri re një problem të rëndësishëm që ndikon negativisht si në turizëm ashtu edhe në cilësinë e jetës për njerëzit lokalë: një deponi lokale. E vendosur në skajin e qytetit, deponia ndot mjedisin jetësor —veçanërisht kur digjet.

Siç theksojnë ato, Krusheva është një ndër destinacionet më të mira për parglajding dhe tymi që vjen nga deponia përbën rrezik për ta.

Lefkija dhe Meri na thonë që për të luftuar për reduktimin e deponisë, fillimisht duhet t’i ndryshojnë shprehitë e tyre. Ky është një shembull që duhet vendosur për ta ndjekur të tjerët. 

Mbështetja e iniciativave për ekonomi qarkulluese 

Së bashku me partnerët tanë lokalë dhe falë Bashkimit Evropian bashkëpunojmë me shkolla, qendra rinore dhe organizata jofitimprurëse lokale për promovimin e praktikave të ekonomisë qarkulluese në shtet. 

Për ta mbështetur zhvillimin e ekonomisë qarkulluese, jemi të fokusuar në reduktimin e sasisë së mbeturinave, përdorimin e mbeturinave si resurs, nxitjen e riciklimit, ripërtëritjen e tyre dhe ripërdorimin e mëtejmë të mbeturinave në kuadër të ekonomisë. Njëra pjesë e përpjekjeve tona përfshin bashkëpunimin e ngushtë me organizatat lokale siç është, “Ndiej Krushevën - Feel Krusevo”.

Projekti “Shoqëria civile dhe të rinjtë për zhvillim gjithëpërfshirës dhe të qëndrueshëm përmes ekonomisë qarkulluese në Maqedoninë e Veriut” financohet nga Bashkimi Evropian. Udhëheqës i projektit është “People in Need (PIN) në partneritet me ARNO, LEAD dhe Ekovita.
“Ky botim financohet nga Bashkimi Evropian. Përmbajtja e tij është përgjegjësi e vetme e “People in Need” dhe nuk pasqyron domosdoshmërish pikëpamjet e Bashkimit Evropian.