Крушево: Патувањето на еден северномакедонски град кон чист воздух и циркуларна економија

Посетуван од туристи од целиот свет, луѓето ги привлекува Крушево со прекрасните планини, природата и спортските можности, како што се параглајдинг и скијање. Како што растеше популарноста на Крушево, така растеше и потребата да се поврзат сите неформални групи што работат на развојот на туризмот - токму во таа празнина се појави Feel Krusevo.

Кој го познава градот подобро од градоначалникот?

Лефкија и Мери се срцето на Feel Krusevo. И двете се родени во градот, а Лефкија е поранешна градоначалничка на Крушево.

Влашката заедница значително влијаела врз историјата и архитектурата на Крушево. Власите се населиле во градот во текот на 18 век. Feel Krusevo направи изложба за Власите и нивната култура, а организира и тематски вечери на кои се служи традиционална храна, како што се плацинта (традиционален благ посен крушевски колач, со масло, брашно и вода), питулици (слоевити палачинки), пита со тиква и макало (сушена пиперка со праз).

Работејќи со локалните туристички даватели на услуги, Feel Krusevo забележа значителен проблем што негативно влијае и врз туризмот и врз квалитетот на животот на локалното население: локалната депонија. Лоцирана на работ на градот, депонијата ја загадува животната средина, особено при палење.

Како што посочуваат, Крушево е меѓу петте најдобри дестинации за параглајдери, а чадот од депонијата претставува опасност за нив.

Лефкија и Мери раскажуваат дека за да се борат за намалување на депонијата најпрво морале да ги сменат сопствените навики. Со тоа сакале да дадат пример што другите ќе го следат.

Поддршка на иницијативите за циркуларна економија

Заедно со нашите локални партнери и благодарение на Европската Унија, работиме со училишта, младински центри и локални непрофитни организации за промовирање практики на циркуларна економија во земјата.

За поддршка на развојот на циркуларната економија, фокусирани сме на намалување на количината отпад, користење на отпадот како ресурс и промовирање на рециклирањето, апциклирањето и натамошната повторна употреба на отпадот во економијата. Дел од нашите напори вклучува тесна соработка со локалните граѓански организации, како што е Feel Krusevo.

Проектот „Граѓанското општество и младите за инклузивен и одржлив развој преку циркуларна економија во Северна Македонија“ е финансиран од Европската Унија. Лидер на проектот е People in Need (PIN), во партнерство со АРНО, ЛЕАД и Ековита.
Оваа публикација е финансирана од Европската Унија. Нејзината содржина е исклучиво одговорност на ПИН и не мора да ги одразува ставовите на Европската Унија.